Mae athrawon yn gweithio o fewn fframwaith cyfreithiol sy’n cynnwys hawliau a dyletswyddau. Mae’r safonau proffesiynol newydd ar gyfer addysgu ac arwain wedi bod yn gymwys i athrawon yng Nghymru ers mis Medi 2017; mae’r Safonau Athrawon wedi bod yn gymwys i athrawon yn Lloegr ers mis Medi 2012. Mae disgwyl i athrawon gadw gwybodaeth gyfredol a dealltwriaeth o’r fframweithiau statudol hyn sy’n nodi eu dyletswyddau a’u cyfrifoldebau proffesiynol, a dylen nhw weithredu o fewn y fframweithiau hyn.
Mae’r nodiadau darlithio hyn yn rhoi gwybodaeth am y fframwaith cyfreithiol ar gyfer athrawon ar ddechrau eu gyrfaoedd.
Eich cyswllt cyntaf i gael cyngor a chefnogaeth gan yr undeb yw eich cynrychiolydd yn y gweithle. Os nad oes cynrychiolydd yn eich gweithle ffoniwch 0345 811 8111 am gyngor a chymorth.
Mae Adran Addysg Llywodraeth y Deyrnas Unedig (DfE) a Llywodraeth Cymru yn gyfrifol am addysg a gwasanaethau plant yng Nghymru a Lloegr. Yn y nodiadau darlithio hyn, pan gyfeirir at ganllawiau statudol ac anstatudol yr Adran Addysg a Sgiliau (DfES) ac Adran Plant, Ysgolion a Theuluoedd (DCSF) Llywodraeth y Deyrnas Unedig, cyfeirir at y sefyllfa gyfreithiol ac at bolisi cyfredol.
CYNNWYS
- Dyletswydd gofal athrawon i ddisgyblion
- Dyletswydd gofal athrawon a gweithgareddau y tu allani’r ysgol
- Lechyd a diogelwch yn y gwaith
- Cyswllt corfforol â disgyblion
- Hawl athrawon i ddefnyddio grym rhesymol er mwyn rhwystro
- Rôl y gwasanaeth addysg wrth amddiffyn plant rhag cael eu cam-drin
- Hawl athrawon i ddisgyblu
- Cadw disgyblion i mewn am resymau disgyblaeth
- Chwilio disgyblion
- Amddiffyn rhag gwahaniaethu – disgyblion
- Y cod ymarfer anghenion addysgol arbennig (AAA) yn Lloegr)
- Amddiffyn rhag gwahaniaethu – athrawon
- Cofnodion troseddol ac addasrwydd i weithio gyda phlant
- Datgymhwyso rhag gofalu am blant
- Cyngor cyfreithiol a phroffesiynol gan yr undeb